တရားထိုင်ရင်းနဲ့ ကိုယ့်စိတ်ကို ပြန်လည်စမ်းစစ်တဲ့အခါ သိလာရတာက ငါဟာ တယောက်တည်း အတွေးထဲမှာ တော်တော်စကားပြောတာပဲ။ အရင်က ဒီအကျင့်မျိုးမရှိဘူး။ လွန်ခဲ့တဲ့ နှစ်နှစ်လောက်မှ စရှိလာတယ်ထင်တယ်။ ဘာလို့အဲ့လိုဖြစ်ရလဲ ပြန်ဆင်ခြင်ကြည့်တော့ ထွက်လာတဲ့အဖြေက သနားစရာတော်တော်ကောင်းတယ်။ စကားပြောဖော်မရှိလို့တဲ့...ဖတ်ထားတဲ့၊ ကြည့်ထားတဲ့၊ သိထားတဲ့ အရာလေးတွေကို ပြောဆိုဆွေးနွေးချင်တဲ့အခါ ပြောစရာလူမရှိပါလား ငါ့ဘဝမှာ။ အတူတူနေတဲ့လူတွေ၊ ပေါင်းသင်းနေတဲ့လူတွေတော့ရှိပါတယ်။ စိတ်ဝင်စားတာလေးတွေ ပြောဖို့လူ မရှိဘူး။
စင်ကာပူမှာတုန်းကတော့ တယောက်တည်းနေခဲ့ဖြစ်လို့်။ ရန်ကုန်ပြန်ရောက်တော့လဲ မထူးပါဘူး။
စိတ်ထဲရှိတာလေးတွေပြောဖော်ပြောဖက် ရင်ဖွင့်ဖက် ခင်ပွန်းသည်ကလဲ အလုပ်များတာမှ မနက်စောစောနဲ့ ညလေးခဏပဲ တွေ့ရတယ်။ သူငယ်ချင်းတွေကလဲ အလုပ်ကိုယ်စီနဲ့ တပတ်တခါတောင် မတွေ့နိုင်။ အတူတူနေတဲ့ ယောက္ခမမိဘဆိုတာကလဲ လူကြီးတွေဆိုတော့ ပြောချင်တဲ့ အကြောင်းအရာတိုင်း ပြောလို့မကောင်း။ အဲ့လိုနဲ့ပဲ ကိုယ့်သာသာ တယောက်တည်းစကားပြောတဲ့လူဖြစ်မှန်းမသိ ဖြစ်လာတယ်။
ဥပမာ .. ဟိုတလောကကြည့်ရတဲ့ စိတ္တဇလူသတ်ကားမှာပြောတယ်။ လူတယောက်ရဲ့ soul or mindset ဟာ အသက် ၇နှစ်နဲ့ ၁၀နှစ်အတွင်းမှာ fully defined ဖြစ်တယ်တဲ့။ အဲ့ဒိအချိန်အတွင်းမှာ ကလေးရဲ့ ပတ်ဝန်းကျင် နဲ့ သူ့အနီးကလူတွေဟာ ဒီကလေးရဲ့ စိတ်ထားနဲ့ character အပေါ်မှာ အလွမ်းမိုးဆုံးပဲ။ ကလေးတယောက်ဟာ လူကောင်း၊လူဆိုး ဖြစ်လာမလားဆိုတာကိုတောင် ဆုံးဖြတ်ပေးသွားနိုင်တဲ့အချိန်လို့ ပြောလို့ရတယ် ဆိုပါတယ်။
အဲ့တော့ ကိုယ်ကစဉ်စားတယ်။ မှန်နိုင်သလောက်မှန်ပေမယ့် လုံးဝကြီးတော့ မဟုတ်ဘူးလို့။ ဘဝကိုပြန်ကြည့်ရင် အသက်၁၀နှစ်က စန္ဒီက အခုစန္ဒီ မဟုတ်ပါဘူး။ အဲ့တုန်းက စိတ်လဲ အင်မတန်ကောက်တယ်။ သူများကိုနားလည်ပေးတာလဲ သိပ်မရှိဘူး။ ဒီ soul defined period လေးဟာ အရေးကြီးပေမယ့် လူတယောက်ဟာ အချိန်မရွေး ပြောင်းလဲနိုင်တယ်လို့ ယုံကြည်တာပဲလေ
အဲ့ဒါမျိုးတွေပေါ့။ ခုနလို ဘာမှတော့မဟုတ်ဘူး ဒါပေမယ့် ပြောချင်ဆွေးနွေးချင်တဲ့အခါ အနားမှာ ဘယ်သူမှ မရှိပေဘူး။ ပြောကလဲပြောချင်ဆိုတော့ အသံတိတ် စိတ်ထဲမှာပဲ အတွေးထဲမှာပဲ ကိုယ့်ကိုယ်ကို ပြန်ပြောဖြစ်ဖြစ်သွားတယ်။ တရားထိုင်မိလို့ ဒီလိုဖြစ်နေတာကို သိသွားလို့တော်သေးတယ်။ ကြာရင် စိုးရိမ်ရမယ် ထင်တယ်။
စိုးရိမ်စရာကောင်းတဲ့ ဒီအကျင့်ကို ပြုပြင်ဖို့ရာ စာရေးပါမယ်။ အိမ်ကနေလုပ်ရတဲ့အလုပ်မဟုတ်ပဲ အပြင်ထွက်ရုံးတက်ပြီး အလုပ်လုပ်ရတဲ့ တခုတခုလုပ်ပါမယ်။ စကားပြောဖော်ရအောင် အွန်လိုင်းမှာ မိတ်ဆွေဖွဲ့ရင်ကော ကောင်းမလား။ အခုက သိပ်ကို isolated ဖြစ်နေတယ် ခံစားရတယ်။ I seriously need go out more and need new people.

0 comments:
Post a Comment